მეცხრე დღის რეფლექსია

დღეს, 20 ივლისს, დასრულდა ინტელის 36 საათიანი ტრენინგ-კურსი, შესაბამისად, ყველა მონაწილემ გავაკეთეთ ჩვენი პროექტის პრეზენტაცია, რაც საინტერესო და, ამავე დროს, მნიშვნელოვანი იყო ჩემთვის, რადგან უკეთესად გავიგე, რა დადებითი მხარეები აქვს მოსწავლისთვის პროექტებით სწავლებას ინფორმაციულ-საკომუნიკაციო ტექნოლოგიების ინტეგრირებით, თან სხვების პრეზენტაცია, ვფიქრობ, დამეხმარა, უფრო კარგად ჩავწვდომოდი პროექტის მიმდინარეობის მნიშვნელობას. გავიგე, ბევრი რამ სხვადასხვა საგნის შესახებ.
მინდა, რომ ჩემი პროექტი განვახორციელო რეალობაში. იმედს გამოვთქვამ, შევძლებ და იმ მიზნებს მივაღწევ, რაც გათვლილი მქონდა.
  დიდი მადლობა, ქალბატონო თამარ, რომ ასეთი კარგი ადამიანი ხართ!

                                                        მერვე დღის რეფლექსია

დღეს ნამდვილად მნიშვნელოვანი ტრენინგი იყო: დავწერეთ პროექტის მსვლელობა. ამასთან განვიხილეთ ფსიქოლოგ ნინო ლაბარტყავას პრეზენტაცია გარდნერის მრავალმხრივი ინტელექტის შესახებ, რომელშიც ყურადღება იყო გამახვილებული მოსწავლეთა დიფერენცირებაზე, რაც უნდა გავითვალისწინოთ პროექტში.

                                                                                მადლობა!

                                           მეშვიდე დღის რეფლექსია

   დღევანდელი დღე გამოირჩეოდა იმით, რომ კარგად ვიმუშავეთ ანუ ბევრი მნიშვნელოვანი აქტივობა განვახორციელეთ. მოვახდინეთ მოსწავლის სავარაუდო ნაშრომის შეფასების ადაპტირება; განვიხილეთ უკუკავშირის ფორმები; პროექტის გეგმის შაბლონში გავაკეთეთ პროექტის შეფასების მოკლე აღწერა შეფასების დროის ჩარჩოს მიხედვით, ასევე კომენტარების მიცემა ვორდის პროგრამაში.
  გ მ ა დ ლ ო ბ თ!!!
 

                  მეექვსე დღის რეფლექსია

  დღეს შევქმენით მოსწავლის სავარაუდო ნაშრომი, ე.წ. პრეზენტაცია, რომელიც გამოვაქვეყნეთ Blogger-ზე. მოვისმინეთ მნიშვნელოვანი ინფორმაცია საავტორო უფლებების შესახებ. ვფიქრობ, რომ ეს საკითხი მართლაც ყურადღებამისაქცევია. კიდევ ერთხელ გაიმეორეთ, როგორ უნდა გადაგვეტანა პრეზენტაცია, რასაც , მგონი, დამოუკიდებლად კარგად გავართვი თავი.
    გმადლობთ, გაიხარეთ!

მეხუთე დღის რეფლექსია

   დღევანდელი დღე კარგად დაიწყო და დამთავრდა. გამიადვილდა იმის გაკეთება, რაც ვისწავლეთ, კერძოდ: გავაკეთეთ ბუკლეტი, ვისწავლეთ სლაიდების შექმნა ანუ გავაკეთეთ პრეზენტაცია და გამოვაქვეყნეთ ბლოგზე. სლაიდების გაკეთება სახალისო იყო, რამაც გამოიწვია სამუშაო დროის სწრაფი დამთავრება.
   მ ა დ ლ ო ბ ა !

                                             მეოთხე დღის რეფლექსია


 დღეს ვიმუშავეთ შეფასების სახეებზე, პროექტის გეგმის შაბლონში შევიტანეთ ის აქტივობები თავისი შეფასებების სახეებით, რომელიც დაგვჭირდება პროექტზე მუშაობისას მოსწავლეებთან; ვიმუშავეთ ბუკლეტებზეც, ვისწავლეთ სურათების გადმოწერაც, რაც ბუკლეტისათვის დაგვჭირდა.
  მადლობა!

         მესამე დღის რეფლექსია

დღესაც მნიშვნელოვანი დეტალები შევისწავლეთ. ვიმუშავეთ მეორე მოდულის მეორე აქტივობაზე, რომლის დახმარებითაც ჩემს საქაღალდეში, კურსის რესურსებში,
გადმოვიტანე საგნის სტანდარტი, ბლუმის განახლებული ზმნების ცხრილი,განვიხილეთ პროექტისთვის დამახასიათებელი ზოგადი, თემატური და შინაარსობრივი კითხვები.
 სამწუხაროდ, ცოტა შეუძლოდ ვიყავი.
მადლობა!